Dua lalaki, biktima ti salvage

SUYO, Ilocos Sur – Dua a lalaki ti nairepot iti polis a naiwalang iti kalsada iti Barangay Cabugao, ditoy nga ili idi rabii ti Disiembre 21.

Iti panagimbestiga dagiti nagresponde a polis, napapatay dagiti dua a di nabigbig a lallaki babaen ti cal. 45 kas maibatay kadagiti innem a kapsula ken dua a deformed slug iti nakapasamakan ti krimen.

Mapapati a biktima iti salvage dagiti dua gapu ta napungo dagiti imada iti likudanda babaen ti cord ken natakkaban ti uloda iti bonite.

Iti pannakaisurat daytoy, di pay ammo ti kinaasino dagiti naiwalang ken no ania ti motibo  ti pannakapapatayda.#