Dump truck, shredding machine, naiyawat

CABUGAO, Ilocos Sur –  Maysa  a dump truck ken shredding machine ti naiyawat iti lokal a gobierno ditoy iti simple a programa a naangay iti sanguanan ti munisipio idi Enero 23, 2013.

Mismo nga inyawat ni Ilocos Sur First District Congressman Ryan Luis Singson ti  Isuzu Elf 250 dump truck ken shredding machine iti lokal a gobierno ditoy nga indauluan ni Mayor Edgardo S. Cobangbang, Jr. ken iti panangimatang da Vice Mayor Danny Q. Gazmen, dagiti konsehal,  barangay captains ken dagiti opisial ti Cabugao Mango Growers Association.

Immun-una ngem daytoy, idi Enero 21, binendisionan ni Fr. Felix Costales, kura paroko ditoy nga ili ti dump truck ken shredding machine ken dagiti uppat a lugan a ginatang ti LGU ditoy a pakairamanan ti maysa a Toyota Hi-Ace Grandia, dua nga Isuzu D-max pick-up, maysa nga Isuzu Elf,  ken maysa a Suzuki Multicab.#