Footer

DV, Allen, nabutosan nga opisial iti liga dagiti gobernador, city mayors

CABUGAO, Ilocos Sur – Nabutosan iay nabiit ni Gov. Deogracias Victor “DV” Savellano a vice president for Luzon iti eleksion dagiti kabarbaro nga opisial ti nasional a liga dagiti gobernador.

Nabutosan met ni Mayor Allen Singson  a deputy secretary general  iti eleksion dagiti baro nga officers ti League of City Mayors of the Philippines iti panagtataripnongda a mamayor ti siudad.

Kabayatanna, maangay ti eleksion dagiti kabarbaro nga opisial ti Philippine Councilors’ League, Ilocos Sur Chapter iti Eastern Mall iti Candon City inton Agosto 3.

Agkandidato ni Konsehal ti Candon City Alfonso Singson para presidente ti liga. Imbatad metten ni Vigan City Councilor Ever Molina ti panggepna nga agkandidato iti nasao a puesto.

Nabutosan a bokal ni dati a presidente ti PCL Robert Tudayan ket ni Singson ti acting president ti liga.

Agbalin nga ex-officio member iti Sangguniang Panlalawigan ti mangabak a presidente ti PCL, Ilocos Sur Chapter ket ibagianna dagiti kokonsehal iti sibubukel a probinsia.

Napili metten dagiti kabarbaro nga opisial ti League of Municipalities, Ilocos Sur Chapter iti panagbubutos dagiti mamayor itay nabiit.

Nabutosan ni Mayor ti Narvacan Edgardo Zaragoza a mangidaulo iti nasao a liga.#