Footer

Dyip, dinungpar ti chop-chop motorcycle, 1 natay

CANDON CITY –  Saanen a naidanon a sibibiag iti ospital ti maysa a motorista kalpasan a  naidungpar ti nagsakayanna iti maysa a dyip iti Candon-Salcedo road, a sakup ti Barangay Allangigan 2nd ditoy.

Dead on arrival iti ospital ni Jay Maynes y Feraldo, 32, residente ti San Jose ditoy idinto a nakaro a nasugatan ti insakayna a managan Melanio Rubang, 23, agnaed iti San Andres ditoy met laeng a siudad.

Iti inisial nga imbestigasion dagiti pannakabagi ti linteg, agdaldaliasat ni Dominador Nanang, 42, residente iti Legazpi, Galimuyod, a nagmaneho iti passenger type jeep iti nasao a kalsada  ngem insardengna idi masabatna ti chop-chop a motorsiklo a nagluganan dagiti biktima a mapapati nga agekis-ekis ti tarayna.

Mapapati a kimmaut iti liniana ti motorsiklo a nagtungpal iti pannungpar.#