Dyip, natnag iti derraas, 5 ti natay

SAN EMILIO, Ilocos Sur –  Uppat ti natay idinto a nasurok a sangapulo ti nasugatan idi natnag ti dyip a naglugananda iti derraas iti Barangay Tiagan daytoy nga ili.

Nagtungpal iti trahedia ti family reunion ti maysa a kapamiliaan kalpasan a natinnag ti naglugananda a dyip iti  nauneg a derraas iti barangay Tiagan, ditoy nga ili.

Nabigbig dagiti natay a da Valeriana Bitibit, Ludivina Angala, Mercedez Bitibit ken Nestor Tungbaban, agpapada a residente iti Barangay Sipa, Santa Marcela, Apayao.

Adda iti serioso a kondision ti drayber ti dyip a ni King Martin, Freddie Gironella, 29, naasawaan, mannalon,  Gregorio Del Pilar, Betty Gironella, 50, overseas Filipino worker, naasawaan, residente iti Concepcion, Mayflor Gamilde, residente iti Caterman, Candon City, idinto a nagsagrap iti sugat da Evelyn Wacan ken ni Pastor Wacan, Marina Tungbaban, Lina Bitibit, Salvador Bitibit, Esperdion Bitibit, Elisio Patil-ao, Clifford Patil-ao, Rommel Bitibit, Jun Bitibit, Bernabe Patil-ao, Jennifer Bitibit, agpapada a residente iti Santa Marcela.

Segun iti report, sumalog ti lugan iti kurbada a kalsada idi impukkaw ti drayber a naawananda iti preno a nagtungpal iti pannakatinnag ti dyip iti derraas.