Footer

DZTP, nangisayangkat iti outreach program iti Del Pilar

GREGORIO DEL PILAR, Ilocos Sur – Nasapa ti pamaskua dagiti ubbing ken agnaed iti sitio Tubalina, Barangay Alfonso, ditoy nga ili babaen ti outreach program nga insayangkat ti DZTP Radio Tirad Pass ken Citizens Involvement and Services (DIS) idi Nobiembre 30.

Immawat dagiti agnaed iti agas, de lata, ay-ayam, stuff toys, luplupot, ken dadduma pay manipud iti grupo nga indauluan da DZTP Manager Arlon Serdenia.

Adda pay libre a reflexology a naipaay kadagiti agindeg.

“Agyamankami iti anusyo a nagna ken nangawit kadagitoy a regalo,” kinuna ni Barangay Kagawad Januario Balaque iti grupo da Serdenia a nagna iti nasurok tallo nga oras tapno isayangkatda ti outreach program iti Tubalina, maysa kadagiti kalenglengan a lugar iti Ilocos Sur.#