NARVACAN, Ilocos Sur – Maysa nga e-library ti naipasdek ditoy nga ili nga agpaay a pagsukisokan dagiti estudiante nga awanan iti computer iti pagtaenganda.

Kinuna ni Mayor Zuriel Zaragoza a naipasdek ti nasao nga e-library tapno makatulong iti pannakaidur-as ti edukasion iti ilina.

Naammuan nga adda espesial a promo a P100 a one-time membership fee para kadagiti umuna a 300 nga agaplikar a miembro iti e-library. Kadagiti sumarsaruno nga aplikante, P150.00 ti bayadanna a one-time membership fee.

Kinuna ni Zaragoza a malaksid kadagiti estudiante a residente ditoy nga ili, mabalin met uray dagiti estudiante a taga-sabali nga ili ngem agbasbasada iti Narvacan  ti agaplikar a kas miembro iti e-library.

Nupay kasta, maiparit kadagiti miembro ti mangusar iti computer para iti Facebook ken ay-ayam.#