Eksplosibo, nasarakan

BANTAY, Ilocos Sur – Maysa nga ekplosibo ti nasarakan ti maysa a lumugar manipud Barangay Banaoang, ditoy nga ili idi agsapa ti bigat ti Agosto 4.

Naammuan dagiti polis babaen iti tawag ti telepono manipud ken ni Banaoang Barangay Captain Natividad Leones nga inreport kenkuana ni Hector Leones y Tejero, 40, mekaniko, ken kalugaranna met laeng, a naduktalanna ti eksplosibo iti bakante a lote iti abay ti balayna.

Napaayaban dagiti polis, kaduada ti Explosive Ordnance Division, ISPPSC ket naammuan a maysa a MK2 fragmentation hand grenade ti nasao nga eksplosibo, awanan iti safety level ken aglatlatin.

Naipan ti granada iti EOD, ISPPSC para iti umisu a disposision.#