ELA, naangay

MAGSINGAL, Ilocos Sur – Inangay ti lokal a gobierno ditoy ti Executive-Legislative Agenda itay Septiembre 3-5, 2013 tapno maibaskag dagiti programa ken gannuatna para iti maysa a tawen.

Naangay iti function hall ti munisipio, dimmar-ay iti ELA dagiti nabutosan nga agtuturay, dadaulo dagiti departamento ken ahensia ti gobierno ken empleado ditoy nga ili.

Kinuna ni Municipal Interior and Local Government Office Operations Officer Amado Tabin a babaen ti panagdalan dagiti nadakamat nga opisial ken pangulo dagiti department ken ahensia, manamnama ti pannakaipaay iti nasaysayaat a serbisio kadagiti umili para iti panagdur-as daytoy nga ili.

“Agrimat Magsingal” ti slogan daytoy nga ili.#