Election gun ban, maipakat

VIGAN CITY – Maipakat ti gunĀ  ban manipud Septiembre 28 agingga iti Nobiembre 12 tapno masigurado ti natalna ken naurnos ti masungad a barangay elections.

Impakaammo ti Commission on Elections a mangrugi iti Septiembre 28, madusa ti asinoman a matiliwan nga agikuyog iti paltogna iti ruar ti balayna uray no lisensiado daytoy.

Naituding metten ti Oktubre 15-17 a panagipila iti certificate of candidacy para dagiti agpapili iti puesto iti SK ken barangay idinto a mangrugi ti panagkakampania manipud iti Oktubre 18 agingga iti 26.

Mano-mano ti panagbilang iti butos iti SK and Barangay Elections a maangay inton Oktubre 28.

Adda tignay a mangpukaw iti SK agsipud kadagiti alegasion a saan a produktibo daytoy kadagiti agtutubo ken agbalin laeng a breeding ground ti korapsion ken political dynasties.#