Empleada, natamaan iti stray bullet bayat selebrasion ti Baro a Tawen

STA. Maria, Ilocos Sur – Napuntaan iti stray bullet ti maysa nga empleada bayat ti selebrasion ti isasangbay ti baro a tawen sadiay Barangay Maynganay Sur, Sta. Maria, Ilocos Sur.

Nasugatan ti makannawan a likud nga abaga ni Melody Escobar Lamigo, 36, empleada iti Philippine Department Insurance Corp., Metro Manila ken temporario nga agnaed iti Barangay Laslasong Norte, ditoy nga ili ket inagasan ti kaarrubada a doktor.

Naammuan iti panagimbestiga dagiti polis a bayat ti panangisagana ni Escobar ti notse buenada iti balay ti maysa nga Edwin Dopredo Javier sumagmamano a minutos sakit iti likudna sa nakitana ti pannakatinnag ti buli iti suelo.

Naggapu ti buli iti ruar ket linussokna ti sim sa nagdisso iti makannawan a likud ti abaga ni Escobar.#