Empleado ti Sta. Cruz, inawatda bonusda

STA. CRUZ, Ilocos Sur – Nasapa ti pamaskua dagiti empleado ti gobierno munisipal ditoy.

Inyawat ni Vice mayor Virgilio Valle kadagiti empleado ditoy bayat ti selebrasion ti panagkasangayna ti bonus, salary differential ken productivity pay dagiti empleado para daytoy a tawen.

Kinuna ni Valle a naited a masapa dagiti bonus dagiti empleado ditoy tapno adda gastuen dagitoy iti panaglukat dagiti pagadalan iti daytoy a semestre.

Indagadag pay ni Valle ti panangbukel dagiti empleado iti kooperatibada ket inkarina nga ilatanganna daytoy iti P1 milion a pondona.#