Entrada iti tiendaan publiko, dimmakkel

CANDON CITY – Dimmakkel ti nakolekta nga entrada ti tiendaan publiko ditoy siudad, kinuna ti city market administrator.

Kinuna ni Albert Abaya, agdama a market administrator, iti bulan ti Hulio, immabot iti P304,300 ti nasingiran iti entrada, nangatngato no ikumpara idi napalabas a tawen nga immabot laeng idi iti P257,485.

Idi Hunio 2009, immabot iti P302,355 ti nasingir iti entrada, P311,715 idi Mayo ken P284,570 idi Abril.

Iti napalabas a tawen, narigat a magaw-at ti P300,000 gapu iti nadumaduma a rason.

Manamnama a magun-od ti city government ti target a P3 milion a koleksion manipud iti tiendaan publiko ditoy.#