Footer

Estudiante, naaksidente, nayospital

CANDON CITY -Nayospital ti maysa nga estudiante gapu iti panangdungpar ti motorsiklona iti sarsarunuenna a lugan iti national highway a sakup ti Barangay Oaig ditoy.

Nainaganan ti biktima a ni Jayson del Rosario, 14, high school student, ken residente iti barangay Oaig Daya, ditoy siudad.

Naammuan iti inbestigasion ti pulis a sarsarunuen ti biktima a nakalugan iti XRM a maris nalabaga, awanan iti plaka,  ti Tamaraw FX, addaan plaka a UUR-430 a minaneho ni Arvin Dauz, naasawaan, residente iti Tagudin, Ilocos Sur idi nagmenor ti naud-udi gapu ta nagalis ti kalsada ket di napakadaan ti biktima a nagtungpal iti pannakadungparna iti kutit ti Tamaraw FX.

Naitaray ti biktima iti Candon City Hospital para iti pannakaagas dagiti sugatna.#