TAGUDIN, Ilocos Sur –  Nasugatan ti maysa nga estudiante kalpasan a nakidinnungpar ti motorsiklona iti maysa a Pajero a lugan iti Barangay Las-ud ditoy nga ili.

Nadunor ken naitaray iti ospital ni Jolex Alfonso, 14, 2nd year high school ken residente iti barangay Bimmanga idinto a saan a naan-ano ni Joel Poa, 35, residente iti Caloocan City, nagmaneho iti Mitsubishi Pajero, addaan plaka a CSG-354.

Iti inisial nga imbestigasion ti polis, naammuan nga agsikko koma ni Alfonso iti sanguanan ti simbaan ti Iglesia ni Cristo ket mapapati a dina nasiputan ti sumungad a Pajero a nakaigapuan ti pannakasapgidna.

Natinnag ni Alfonso ket naitaray iti ospital para iti panakaagasna.

Naginnurnos met laeng dagiti dua tapno saanen a dumanon pay iti korte ti napasamak nga aksidente.