Estudiante a nagiwaras iti PASPAS Dur-as, immawat iti honorarium

LAOAG CITY – Dua nga aldaw a nagibunong ni Gov. Imee Marcos iti honorarium dagiti estudiante a nagiwaras iti PASPAS Dur-as, ti opisial a publikasion ti probinsia.

Agdagup amin iti 87 dagiti estudiante a nagiwaras iti nasao a publikasion kadagiti nadumaduma a pagadalan iti amin nga ili iti probinsia.

Immawat iti P500.00 dagiti estudiante a nagiwaras iti nasao a publikasion iti dua nga aldaw idinto a P250.00
kadagiti timmipon iti grupo iti maysa nga aldaw laeng.

Segun iti maysa nga estudiante, dakkel a padas kenkuana ti panagiwarasna iti PASPAS Dur-as agsipud ta uray dagiti nasulinek a lugar ket nadanonda sana innayon a tagtagiurayda manen iti sumaruno a panagiwarasda iti daytoy publikasion.#