Estudiante, nagsasalisal iti agduduma a kontes

STA. CRUZ, Ilocos Sur -Naangay idi Nobiembre 19 iti Sta. Cruz Central School ditoy nga ili ti maikanem nga Student Technologists Entrepreneur of the Philippines Skills Development and Competition.

Nagsasalip dagiti estudiante iti appliqué, flower arrangement, fresh fruit shake preparation, tie dye, basic encoding, sales inventory, medicine kit shelf, fabric painting, simple wiring circuit, asexual propagation iti agduduma a mula, metal toll box ken dadduma pay.

Kinuna ni Dr. Gil Savellano, prinsipal, a maisaysayangkat dagiti kastoy a  pasalip tapno maasa ti kabaelan dagiti  estudiante iti agduduma a benneg ken maisaganada iti umno a wagas ti panagnegosio ken dagiti agduduma a teknolohia a mausarda iti inaldaw-aldaw a panagbiagda.

Ti tema ti pasalip: “A Step Higher: Upgrading Skills, Improving Lives”.#