Estudiante, nasarakan a bangkay

GREGORIO DEL PILAR, Ilocos Sur – Nasarakan ti bangkay ti maysa nga estudiante iti uneg ti maysa a bahay kubo iti kataltalonan idi malem ti Hulio 29.

Inreport ni Lucas Balaque, Jr., baro, residente iti nadakamat a barangay iti polis a naduktalanna ti bangkay ni Joseph Galapong y Colas, 17, 4th year student ti G. Del Pilar National High School, iti uneg ti kalapaw iti asideg ti “Ken Bani” ricefield iti nadakamat a lugar.

Segun iti inbestigasion dagiti polis, nagsagrap ni Galapong kadagiti dunor iti makannigid a paset ti ulona a mapapati a gapuanan ti natangken a banag.

Iti pannakaisurat daytoy, madama ti panagpalutpot dagiti polis mainaig iti nasao nga insidente.#