Footer

Estudiante, natiliw nga aglaklako iti marihuana

BAUANG, La Union – Inaresto dagiti operatiba ti Philipping Drug Enforcement Agency Regional Office 1 ti maysa nga estudiante bayat ti panaglakona iti marihuana ditoy nga ili itay nabiit.

Inaresto dagiti polis PDEA ni Marcos (parbo a nagan ta menor de edad), 4th year high school iti maysa a publiko a pagadalan bayat ti buy-bust operation nga insayangkatda a nakakumpiskaanda iti marihuana iti ikut ti suspek nga aggatad iti P4,000.

Mapapati nga aglaklako iti marihuana ti suspek iti eskuelada ken iti siudad ti San Fernando ken ditoy nga ili.

Iti pannakaisurat daytoy, adda ti suspek iti kustodia ti PDEA-RO1.#