Estudiante ti BaRangay, naikkan taraknenda a baka

CAOAYAN, Ilocos Sur – Naikkan dagiti agad-adal iti BaRang-ay Demo Farm iti taraknenda a baka kas paset ti panagadalda ditoy a pagadalan.

Kinuna ni Dr. Cesar Soller, project director ti  pagadalan, a makibingay dagiti estudiante iti anak ti taraknenda a babai a baka.

Innayon ni Soller a paset ti pannakasursuro dagiti estudiante ti panagtaraken ti baka, malaksid laeng nga adda pay pagtaudan iti alawansda a gastuenda iti panagbasada.

Segun ken ni Soller, dakkel ti napastrek dagiti estudiante nga immuna a naikkan iti baka a taraknenda ta nakibingayda iti ganansia.

Libre ti panagadal dagiti estudiante iti Ladderized in Agriculture iti BaRangay Demo Farm nga inrusat dagiti provincial officials tapno mapadur-as ti agrikultura iti probinsia.#