Footer

Estudiante ti NCHS ti kampeon iti Narvacaneo Singing Idol

NARVACAN, Ilocos Sur – Ni Leriza Calixterio ti Narvacan National Central High School ti grand champion iti 1st Narvacaneo Singing Idol 2007.

Immawat ni Calixterio iti P15,000 a cash prize.

Nagun-od ni Frances Gia Gasmen ti Barangay Lungog, Narvacan ti maikadua a puesto ket immawat iti P7,000.00 idinto a maikatlo a gunggona (P5,000.00) ni Regina Mae Nuarin iti met laeng Narvacan National Central High School.

Agdagup iti 35 a kumakanta dagiti nakisalip ngem 10 laeng ti napili para iti semifinals.

Inyussuat da Mayor Edgar Zaragoza ken Board Member Zuriel Zaragoza daytoy a pasalip tapno makatakuatda iti maipagtangsit a kumakanta ti Narvacan.

Kinuna ni Board member Zaragoza a  mairusat ti  Singing Idol kadagiti nadumaduma nga ili iti maikadua a distrito  a pakaibilangan dagiti adda iti upland municipalities, kalpasanna, maangayto met iti umuna a distrito tapno agbalin a provincewide daytoy a kumpetision. #