Etrata, nailayon a presidente ti OFCC-Honolulu

HONOLULU, Hawaii – Nailayon ni Maria A. F. Etrata a presidente ti Oahu Filipino Community Council-Honolulu, Hawaii iti eleksion a naangay iti Philippine Consulate General Lanai/Social Hall idi Hunio 12, 2011.

Inabak ni Etrata ti kinasalipna iti kinapresidente a ni Mario C. Palma, dati nga umuna a bise presidente, iti eleksion a naangay bayat ti konbension a tinabunuan ti 133 a delegado manipud iti 30 a unit organizations ken nakaawisan ni Paul Brewbaker a keynote speaker.

Ti tema ti konbension: Nurturing Tomorrow’s Leaders.

Dagiti dadduma pay a nabutosan: Fe Edita M. Velasco, umuna a bise presidente; Leo Rojas Gozar, maikadua a bise presidente; Edna Alikpala, sekretaria; Faye Cudal, katulongan a sekretaria; Liza Romualdo; tesorera; Gladys Menor, katulongan a tesorera; ken William Cudal, auditor.

Dagiti direktor: Amelia Cabatu, Maggie Domingo, Edith Gudoy, Baybee Hufana Ablan, Alma Caberto, Jean Jeremiah, Ilalo Parayno, ken Larry Ramirez.

Ni Consul General Leoncio Cardenas, Jr., ti namagsapata kadagiti kabarbaro nga opisial a mangrugi ti panagtakemda inton Hulio 1, 2011.#