Explosive device, nadiskubre iti sanguanan pasdek negosio

VIGAN CITY – Maysa nga improvised nga explosive device ti naduktalan iti sanguanan ti maysa a pasdek negosio iti Barangay III, ditoy siudad idi bigat ti Nobiembre 14.

NaduktalanĀ  ni Leonard Kalahan y Balaobao, 27, naaswaan, natibo iti Quezon Province, ken stay-in a trabahador ti Vilmar Marketing, ti nasao nga explosive device ket inreportna ken ni Peter Que y Cu, 49, naasawaan, negosiante, residente iti Barangay Guimod, Bantay, Ilocos Sur, a dagus met a timmawag iti polis ditoy siudad.

Naammuan kadagiti nagresponde a polis a naaramid ti nasao a IED iti ammonium nitrate nga addaan iti time fuse ken mapapati a blasting cap ket naikabil iti maysa a mineral water container. Naiturn-over ti IED iti EOD a nakabase iti police provincial office para iti mainugot a disposision.

Kabayatanna, nangisayangkat itay nabiit iti security contingency exercises dagiti pannakabagi ti linteg iti National Grid Corporation of the Philippines (NGCP) iti San Esteban, Ilocos Sur babaen ti nagtipon a puersa ti polis ti probinsia a nakipartisiparan dagiti polis ti San Esteban ken dagiti sumagmamano a polis ti Santiago, Santa Maria ken Narvacan.

Kinuna ni Police Inspector Martinez a naisayangkat tiĀ Ā  security contingency exercises tapno nakasaganada latta iti aniaman a pagteng nangruna iti sektor ti elektrisidad.

ā€œIkonsiderami latta nga adda threat, nangruna ket sibubukel a probinsia ti Ilocos Sur ken sumagmamano a probinsiaĀ  ti suplayan ti koriente ti NGCP,ā€ kinuna ti opisial.

Kinuna ni Martinez a saan laeng a daytoy ti gundaway a nagisayangkatda iti exercises tapno masaluadan ti power sector ditoy probinsia.#Ā