Extra cash gift, maited kadagiti empleado ti Magsingal

MAGSINGAL – Naragsak dagiti empleado ti gobierno munisipal ditoy ta malaksid iti Christmas bonusda, adda pay awatenda nga extra cash gift para iti masungad a Paskua.

Kanaig daytoy, pinaisagana ni Mayor Alrico Favis iti municipal budget officer ti nasurok a P1 million nga aggapu iti savings ti munisipio para iti extra cash gift dagiti empleado ti ili.

Naammuan a naalan dagiti empleado ti gobierno ditoy ti bonusda para iti Paskua.

Segun iti mayor, agdepende ti maiyisio a guidelines ti maited nga extra cash gift kadagiti empleado ti lokal a gobierno ditoy.

Idi napan a tawen, P10,000.00 ti naited nga extra cash gift kadagiti empleado.#