False alarm!

LAOAG CITY – Nagalarma daytoy a bangko uray awan ti nangserrek a mannanakaw.

Napawingiwing laengen dagiti nagresponde a polis idi matakuatanda a nagwengweng lattan ti alarm system ti Veterans Bank ditoy siudad uray awan ti nagbasak iti nasao a bangko.

Nakaanges met iti nalukay dagiti opisial ti nasao a bangko gapu ta saan a naserrek daytoy kas imballaag ti alarm system.

Mapapati a nagwengweng ti alarm system idi agarup alas dos ti parbangon ti Septiembre 14 ket sa la napasardeng dagiti polis idi makastrekda iti uneg ti bangko.

Mapapati a malfunction ti nakagapu iti panagwengweng ti alarm system.#