Footer

Family Day, sinelebraran ti Vigan City

VIGAN CITY – Sinelebraran ti gobierno ti siudad ditoy ti Family Day babaen iti maysa a programa a naangay iti Vigan City Convention Center idi Oktubre 4.

Nagmalmalem ti selebrasion nga inatenderan dagiti agtuturay a pakairaman dagiti konsehal iti siudad, barangay officials ken dagiti empleado iti siudad ti Vigan.

Kanaig daytoy, naikkan iti loyalty award dagiti nabayagen nga agserserbi nga empleado iti siudad.

Tinawen nga angayen ti gobierno ti siudad daytoy a pagteng kas panangbigbigna iti kinapateg ti pamilia iti panagdur-as ken kinatalingenngen iti panagbiag.#