Fare increase, naaprobaran iti 2nd reading

CABUGAO, Ilocos Sur – Naaprobaran iti maikadua a pannakaibasana iti panagsession ti sangguniang bayan ti ordinansa a mangipangato iti singir ti plete ti traysikel ditoy nga ili.

Kas maibasar ti indatag ti committee on transportation and communication,  maipangato ti singir ti plete ti traysikel iti P2.

No agbalin a linteg, agplete dagiti umili iti P12 iti poblasion idinto nga agnayonda iti P2 iti sigud a plete kadagiti nadumaduma a barangay.

Manamnama ti pannakaaprobar ti nasao nga ordinansa iti sumaruno a session.#