Footer

Farm to market road, naaprobaran

CABUGAO, Ilocos Sur – Farm to market road para iti Barangay Daclapan ditoy nga ili ti maysa kadagiti proyekto nga inaprobaran ni Cong. Ronald Singson kas panagsagana iti maangay a regional jamboree ti Boy Scout of the Phil. iti nadakamat a barangay, inwaragawag ken ni Mayor Eddie Boy Cobangbang.

Segun ti Mayor, inkari pay ni Singson ti pannakaited ti pundo para iti pannakaipatakder ti maysa a day care center iti Barangay Pila.

Karaman ni Cobangbang kadagiti mamayor iti umuna a distrito a bimmisita ken ni Singson iti Hongkong itay nabiit.

Inaresto dagiti otoridad ni Singson iti eropuerto ti Hongkong gapu iti panagikutna iti cocaine ken 2 tableta a valium.

Naiskediul a madengngeg ti kaso ni Singson inton Oktubre 19 kalpasan a dimmawat iti pannakitantan dagiti abogadona iti hearing idi Sept. 7.#