CABUGAO, Ilocos Sur – Sangapulo ket tallo a farmers’ association ti naikkanen iti pondo manipud iti lokal a gobierno nga idauluan ni Mayor Edgar S. Cobangbang, Jr.
Segun ken ni Federated Farmers Association President Elmer Borromeo, naikkan dagitoy nga asosasion dagiti mannalon iti sag-P23,000 a pondoda
Maaramat ti pondo a maipautang kadagiti miembro dagiti asosasion.
Karaman kadagiti naikkan iti pondo ti asosasion dagiti mannalon iti Arnap, Cacadiran, Daclapan, Pug-os, Nagsantaan, Baclig, Callaguip, Rizalina, Quezon, Sagayaden, Sabang, Salapasap, ken Nagsingcaoan.
Kinuna ni Borromeo a dagitoy nga asosasion ti immuna a naikkan iti pondo agsipud ta isuda dagiti immuna a nakarehistro.
Kinuna ti presidente a sumarsaruno a maikkan iti pondo dagiti dadduma pay nga asosasion ditoy nga ili.#