Feeding program, isaysayangkat polis-Narvacan

NARVACAN, Ilocos Sur – Malaksid iti panangmantinir iti urnos ken talna, tumultulong ti kapolisan ditoy tapno maliklikan ti malnutrision kadagiti agbasbasa nga ubbing.

Kinuna ni PCI Joseph Fajardo, hepe ti polis ditoy nga ili a mangisaysayangkat ti kapolisan ditoy nga ili iti feeding program kadagiti agbasbasa iti Marozo Elementary School tapno mapabassit ti bilang dagiti malnourished nga ubbing iti nadakamat a barangay.

Segun ken ni Fajardo, agdagup iti 196 nga ubbing ti benepisario iti feeding program ti kapolisan ti Narvacan.

Kinuna ni Fajardo a binulan nga isaysayangkatda ti feeding program ket agtaud ti pondo manipud kadagiti naayat a tumulong a residente ditoy nga ili.#