CANDON CITY – Nadumaduma a serbisio ken pannakaangay dagiti trade ken job fairs dagiti kangrunaan nga aktibidad iti panangrambak daytoy a siudad ti Feria Exposicion de Candon manipud Nobiembre 28 agingga iti Disiembre 2.

Segun ken ni Deputy Speaker Eric Singson ken Mayor Allen Singson, tampok iti parambak dagiti programa a  nakaitanduduan dagiti kankanta, trade fair ken exhibits  dagiti produkto ni Ilokano ken pannakalukat dagiti pagsapulan dagiti umili para ditoy ken iti ganggannaet a pagilian.

Dagiti sumaganad dagiti aktibidad:

Nov. 28 – launching ti Project Shepherd wenno Shelter for the Homeless idi Nobiembre 28.

Nov. 29, pormal a panangrugi ti parambak – naisayangkat ti mobile passporting, pannakalukat ti trade fair and exhibits, job fair para kadagiti agbirbirok iti panggedan ditoy ken iti ballasiw-taaw.

Nobiembre 30 – naisayangkat ti scholarship fair,  garden show ken musical concert. 

Dec.  1 – Float and Marching Parade 

Dec. 2 – Thanksgiving Mass, painting contest kenlantern parade.

Kangrunaan a bisita iti peria da Gov. Deogracias Victor Savellano, dagiti mamayor iti maikadua a distrito, mangibagi iti DFA, DOLE, RTWPB, DTI, ken dadduma pay nga ahensia ti turay.

Nasurok a 500 dagiti naserbian iti mobile passporting.

Ti Feria Exposicionde Candon ti kaunaan a trade  exposition iti amianan a Filipinas a naisayangkat ditoy Candon idi 1892.#