Feria Exposicion, narambakan iti Candon City

CANDON CITY –  Narambakan ti Feria Exposicion ditoy siudad itay Disiembre 1 babaen ti panangidaulo ni Cong. Eric Singson ken Mayor Allen Singson.

Pormal a naluktan iti daytoy nga aldaw ti trade fair a pannakaitampok ti “one town one product” dagiti nadumaduma nga ili iti maikadua a distrito ti Ilocos Sur agraman dagiti produkto dagiti barbarangay ken dagiti ahensia ti gobierno.

Narambakan ti Feria Exposicion ditoy siudad idi 1892 a nakaiparangan dagiti nadumaduma a produkto ken pannakaipabuya ti zarzuela ken dadduma pay a pagraragsakan.

Daytoy ti maikadua a tawen a rinambakan ti siudad ti nasao a pagteng.#