Fetus, naiyanud iti igid ti baybay

CANDON CITY – Maysa a fetus ti nasarakan dagiti agindeg iti Barangay Darapidap bayat ti panagurnongda kadagiti kayo nga impaigid ti dalluyon idi Bagyo Pepeng.

Segun iti report, naikabil ti fetus iti maysa a garapon ken karaman dagiti kaykayo ken rugit a naiyanud iti igid ti baybay.

Impumpon dagiti agindeg ti fetus iti sementerio kalpasan ti pannakaikararagna.

Di pay ammo no asino ti nangibelleng iti nasao a fetus.#