Footer

Fetus nasarakan iti parke

BAGUIO CITY – Maysa a fetus ti nasarakan ti maysa a para sagad idi alas otso ti agsapa ti Oktubre 13 iti Burnham Park ditoy siudad.

Segun iti report, agsagsagad ni Maria Luisa Pat-ogan, street sweeper, idi nakitana ti maysa a plastic bag iti kamasetasan. Naklaat laengen daytoy idi mabukitkitanna a fetus a di pay la naputed ti kadkaduana ti naggian iti bag.

Dagus nga immawag ni Pat-ogan iti polis ket naipan ti fetus iti Baguio General Hospital para iti pannakaeksamenna.

Di pay ammo no asino ti nangisuksok iti fetus iti kamasetasan.#