Fetus, nasukalan iti sango ti boarding house

CITY – Maysa a mapapati a fetus ti nasukalan iti sango ti maysa a pagkaseraan sadiay Barangay Ayusan Norte ditoy siudad idi malem ti Agosto 31.

Segun iti report, nasukalan ni Alissia Abarquez y Calisim, 21, balasang, ken residente iti Barangay Namruangan, Cabugao, Ilocos Sur, ti mapapati a fetus a naikabil iti nangisit a garbage bag ket daytoy ti naipakaammo ken ni Barangay Kagawad Bernard Pajarillo Dasugo a nangireport iti police station.

Kinuna ni Abarquez nga adda kakaseraanna a balasang a mapapati a nagkuna a masikog ket planona a paregregna ti sikogna babaen ti aborsion.
VIGAN
Naipan ti mapapati a fetus iti Vigan City Health Office ngem saan a madetermina ni Dr. Loida Ranches no tao wenno saan ti fetus isu a naipatulod iti crime laboratory ti Ilocos Sur PPO para iti naan-anay a pannakaeksamenna.#