Firetruck nakiddaw

VIGAN CITY- Naaprobaran iti maikadua ken pinal a pannakabasana iti session itay Hulio 16 ti resolusion ni Konsehal Benedicto Jose Verzosa a mangkiddaw ken ni DILG Secretary Ronaldo Puno iti fire truck.

Maiyawat ken ni DILG Undersecretary Marius Corpuz ti nasao a resolusion.

Kinuna ni Verzosa a nupay addan tallo a firetruck ti siudad, kasapulan ti sabali pay agsipud ta umad-adu dagiti pasdek negosio ditoy ken tapno maprotektaran dagitoy iti uram nangruna kadagiti kadaanan a pagtaengan iti Heritage Village.