Fish vendor, nasukalan nga agikut iti marihuana iti checkpoint

SANTA, Ilocos Sur – Napasardeng laeng daytoy a fish vendor iti checkpoint gapu ta awan ti plaka ti motorsiklona ken awan ti lisensiana ngem nadagdagsen itan ti kasona ta nasukalan nga agikut iti nagango a bulong ti marihuana.

Iti pannakaisurat daytoy, maisagsaganan ti kaso a panaglabsing iti RA 9165 maikontra ken ni Michael Cabradilla y Galinta, 26, baro, ken residente iti Barangay Poblacion Este, Sta. Cruz, Ilocos Sur gapu iti panagikutna iti napagango a marihuana

Napasardeng ni Cabradilla iti checkpoint nga impasdek dagiti polis iti Barangay Cabugao, Suyo, Ilocos Sur idi agarup 4:00 ti malem ti Septiembre 20 gapu ta awan ti plaka ti Motorstar Mini a motorsiklona ket idi awan ti maipakitana a lisensiana nga agmaneho, sinukimat dagiti polis ti backpackna ken iti karton a naikabil iti likud ti luganna a nakasukalanda kadagiti napagango a bulong ti marihuana.

Agdagsen iti nasurok dua a kilos dagiti napagango a bulong ti marihuana.#