Food Fair maangay iti panagpiesta ti Narvacan

NARVACAN, Ilocos Sur- Maluktan ti Food Fair inton Disiembre 9 kas maysa nga aktibidad ti panagpiesta daytoy nga ili.

Kinuna ni Mayor Edgar Zaragoza a maitampok iti Food Fair dagiti maipagtangsit a makan ken luto ditoy nga ili.

Kinuna ti mayor a naawis pay dagiti il-ili iti probinsia a mangipatakder iti boothda a pangitampokanda iti one-town-one-projectda.

Maangay ti panagpiesta ditoy nga ili iti Disiembre 9 agingga iti 13.#