CANDON CITY – Tapno maaddaan iti gundaway dagiti kandidato para iti barangay ken SK positions a mangipakaammo iti platapormada, nangisayangkat ti opisina ti Department of Interior and Local Government ken Commission on Elections ditoy siudad iti candidates forum iti 42 a barangay manipud iti Oktubre 19-27.
Kinuna ni Vicky Ramos, agdama a City Local Government Operation Officer, a tunggal aldaw manipud Oktubre 19 agingga iti Oktubre 27, inyiskediulda ti candidates forum iti lima a barangay a nakaitedan iti gundaway kadagiti amin a kandidato iti para barangay ken SK nga agsao tapno idatagda dagiti platapormada.
Kinuna ni City Election Officer Fidel Gines a naiparit kadagiti kandidato ti panangatakarda iti padada a kandidato bayat ti forum.#