Fuel subsidy dagiti traysikelan, naited

CANDON CITY – Nasurok a 1,500 a tricycle operators ken drivers ti naipaayan iti fuel subsidy itay nabiit kas tulong ti gobierno nasional kadakuada iti panagngina ti presio ti gasolina.

Kinuna ni Bernardita Mati, city treasurer ditoy, a dagiti laeng tricycle operators ken drivers nga addaan prangkisa ken mayor’s permit ti naikkan iti P150 a fuel subsidy.

Kinuna ni Mati a cash ti naited a fuel subsidy ket makaammon dagiti traysikelan a mangigasolina daytoy kadagiti gasoline stations ditoy siudad.

Programa ti gobierno Aquino ti pannakaited ti fuel subsidy tapno matulongan dagiti operators ken drivers nga agpaspasada iti traysikel iti pagilian gapu iti nangina a presio ti gasolina.#