Fun run for peace inangay ti Philippine Army

NARVACAN, Ilocos Sur – Nangangay ti Philippine Army iti fun run for peace kas paset ti panangselebrarna iti Fourth Founding Anniversary sadiay Barangay Sulvec ditoy nga ili idi Mayo 25.

Kinuna ni Lieut. Col. Desiderio Alaba, commander ti PA 81st Infantry Battalion nga aganay 300 a tumataray ti nakipartisipar iti nasao a fun run a nabingay iti 3-K, 5-K, ken 10-K categories.

Kinuna ni Alaba nga inangayda ti fun run tapno ad-adda pay a mapapigsa ti camaraderie kadagiti sibilian, agtuturay kadagiti lokal a gobierno ken dagiti kameng ti media.

Kinuna ni Alaba a babaen daytoy fun run, maipromotda ti kinapateg ti physical fitness para iti pannakamentener ti nasayaat a salun-at.

Innayon ti opisial a maysa ti fun run a kasayaatan ken ken di nagastos a klase ti panagehersisio.

Ti tema ti selebrasion ita a tawen: “Run for a Peaceful and Investment-Friendly Province”.#