CABUGAO, Ilocos Sur – Maysa a fun run ti inangay ni Vice Gov. Deogracias Victor Savellano kas paset ti panangselebrarna iti panagkasangayna itay nabiit.

Ngem ti pakaidumaananna daytoy a fun run, inapagan ti bise gobernador amin dagiti nakipartisipar iti nasao a fun run  ket ipaayna a kas tulongna kadagiti biktima ni Bagyo Yolanda.

Agdagup iti 180 amin dagiti nakipartisipar iti fun run nga indauluan ni Cabugao Vice Mayor Deogracias Jose Savellano.

Nangrugi a nagtaray dagiti partisipante manipud iti Baclig barangay hall agingga iti Barangay Salomague sada nagsubli met laeng iti nangrugianda.

Dua a kategoria ti salip: 5 kilometer run para kadagiti babbai ken 10 kilometer run para kadagiti lallaki.#