BANTAY, Ilocos Sur –Â Naireport iti polis ditoy ti pannakakabil ti maysa nga agar-aramid iti muebles gapu iti saanda a panagkinnaawatan nga agkasinsin.
Nainaganan ti nakabil a ni Mario Almero y Madriaga, 46, naasawaan, ken ti kimmabil kenkuana a kasinsinna a ni Meljhun Madriaga y Dulay, 31, naasawaan, agpada a residente iti Barangay Balaleng Laudenia.
Iti inbestigasion, naggiinom da Almero ken Madriaga ken dadduma a sangaili iti kasangay ti anak ti suspek idi mapapati nga adda dida nagkinnaawatan.
Mapapati nga idi addan ti biktima iti balayna, simrek ti suspek a nakaarmas sana kinabil ni Almero.
Maysa a homemade cal. 38 revolver ti insuko ni dati a Barangay Kagawad Kenneth Palacpac y Realin, 23, kadagiti nagresponde a polis.
Naipan iti Bantay Rural Health Center ni Almero idinto a binirok dagiti polis ti suspek a naglibas kalpasan ti panangkabilna iti kasinsinna.#