VIGAN CITY – Inaprobaran ti sangguniang panlalawigan ti gakat a mangipaay iti benepisio kadagiti addaan rangkap ken kadagiti beterano itay lawasna.
Iti daytoy a gakat a pinutar ni Vice Governor Deogracias Victor Savellano, maipaayan iti Philhealth insurance dagiti persons with disabilities (PWDs) ken dagiti beterano ti World War II.
Kinuna ni SPM Jerry Singson, chairman ti Committee on Social Services ken Health, tarigagay ti gobierno probinsial a matulongan dagitoy a sektor babaen ti pannakayenrolda iti PhilHealth kas maysa a wagas a pannakaited ti importansia kadagiti PWDs ken pammigbig kadagiti beterano.
Iti agdama, adda 625 a sibibiag pay a beterano idinto nga agdagup iti 500 dagiti PWDs iti intero a probinsia ti Ilocos Sur.#
