SANTIAGO, Ilocos Sur – Arak ti gapu ti riri a nakabagsolan ti maysa a lalaki idiay barangay Sabangan, Santiago, Ilocos Sur.
Nainaganan ti biktima a ni Sherwin dela Cruz, 22, residente iti nasao a barangay idinto a nabigbig ti suspetsa a ni Jaime Baldivicio, 28, residente iti Lang-ayan, iti daytoy met laeng nga ili.
Iti inisial nga imbistigasion ti polis, naammuan nga agiinom ti grupo ti biktima iti Siping’s Videoke iti barangay Sabangan idi rimsua ti nabara a saritaan ti nagkaddua a grupo.
Aggawid koman ti suspetsa ngem maysa iti grupo ti biktima ti nangbekkel kenkuana. Inasut ti suspetsa ti imukona ket binagsolna ti biktima iti naminsan a daras.
Naitaray ti biktima iti Candon General Hospital idinto a naglibas ti suspek.
Ngem iti kabigatanna, kinuyog ni acting kapitan Rosario Etrata ti suspek a simmuko iti polis.
