Garantisadong Pambata, nalawlawan ti saklawenna

LIDLIDDA, Ilocos Sur – Nalawlawa itan ti sakupen ti programa nga Expanded Garantisadong Pambata para kadagiti agindeg ditoy nga ili, segun ken ni Dr. Heynadina Pascua, Rural Health Unit physician.

Kinuna ni Pascua nga iti napalabas ket manipud laeng iti zero agingga iti agtawen iti innem nga ubbing ti saklawen ti nasao a programa ngem ita ket karamanen uray dagiti agtawenen agingga iti 14.

Impakaammo ni Pascua a nakasaganadan a mapan kadagiti barangay tapno mangtedda iti micronutrients, panagpurga ken panagtimbang dagiti ubbing.#