VIGAN CITY – Reklamo dagiti business owners a nangato unay ti garbage fee a masingir kadakuada iti panagpabaroda iti lisensiada.
Iti privilege speech ni Villanueva bayat ti session ti sangguniang panlungsod ditoy itay Enero 21, kinunana a nagreklamo dagiti negosiante nga adda iti dry goods section a nangato unay ti aganay P2,400 a garbage fee a baybayadanda iti tinawen idinto a saan met nga adu ti basurada maikumpara kadagiti dadduma nga establisimiento.
Ngem kinuna ni Vice Mayor Franz Ranches a naibasar ti agdama a mabaybayadan a garbage fee iti Vigan Revenue Code a maus-usaren iti dua a tawen.
Kinuna ti bise mayor a tinawen a reklamo dagiti business owners daytoy.
Kiniddaw ti presiding officer ken ni Konsehal Villanueva a iti naan-anay a pannakaadal dagiti reklamo. (Nemia Icari)
