Footer

Garlic, Onion Summit, maangay

CABUGAO, Ilocos Sur – Tapno ad-adda pay a mapapigsa ti industria ti bawang ken lasona iti probinsia,  maangay inton Oktubre 22 ti Garlic and Onion Summit iti provincial capitol.

Segun ken ni Gov. Deogracias Victor Savellano, partisipante iti summit  dagiti agmulmula iti bawang ken lasona manipud iti probinsia ti Ilocos Sur ken Norte. Naimbitaran a dumar-ay iti summit ti Badoc, Pinili ken Currimao.

Kinuna ni Savellano a bumabbaba ti produksion ti bawang ken lasona isu a kasapulan a maammuan no ania ti rason ken problema dagiti mannalon tapno makumbinsida nga agmula manen iti nadakamat a produkto iti sumarsaruno a tawen.

Maibilang ti lasona ken bawang a  pannakaparupa a produkto iti deppaarna ti amianan a pagaayat a gatangen dagiti lokal ken foreign tourists.#