cabugao, Ilocos Sur – Inreport ti guardia ti maysa a gasolinaan ditoy a naduktalanna a natakaw ti naglakuanda idi agsapa ti Mayo 22. Naammuan iti inisial nga inbestigasion dagiti polis a nga idi agarup alas 11 ti rabii ti Mayo 21, inkabil ti gasoline boy a nainaganan Jiranter Solima y Santella, 21, baro ken residente iti Barangay Namruangan, Cabugao, Ilocos Sur ti naglakuanda a P19,000 iti uneg ti desarming a kabinet a nakaikabilan pay dagiti dadduma a naglakuan.

Segun iti gasoline boy, tinulbekanna ti kabinet sana inkabil dagiti tulbek iti uneg ti drawer.

Kitkitaen dagiti polis ti anggulo nga inside job ti panagtakaw agsipud ta saan a nadadael ti sumrekan ken ruaran ti opisina, nauksot ti plug ti CCTV camera a nainstolar iti uneg ti opisina  ken naka-switch off ti player/recorder.#