German police officer, bimmisita iti PRO1

SAN FERNANDO CITY –  Bimmisita ti maysa a police official a German iti Police Regional Office 1 ditoy a siudad idi Disiembre 2.

Nabara a sinarabo ti PRO1 officials  iti panangidaulo ni Chief Supt. Franklin Jesus B. Bucayu ni Police Director Hubert Muller, hepe ti Second Standby Police Division a nakabase iti Eischstatt, Bavaria, Germany, a kinuyog ni Paul Shafer, resident representative ti Hanns Seidel Foundation to the Philippines.

Walopulo ket lima a personnel manipud iti RPSB1 ken 6 manipud iti PRO1 headquarters ti nagatendar iti lektiur ni Muller mainaig ti policing tactics bayat ti demonstrasion wenno rali a maobserba ti rule of law ken kalintegan pantao.#